Кыргызстандын президенти Садыр Жапаров кызматын тапшырып жаткан ЖККУнун башкы катчысы Имангали Тасмагамбетовду уюмдун I даражадагы төш белгиси менен сыйлады. Мамлекет башчысы анын жемиштүү эмгегин жана ЖККУнун өнүгүшүнө кошкон маанилүү салымын белгиледи.

Эске салсак, 2026-жылдын 1-январынан тарта уюмдун баш катчы кызматын кыргызстандык өкүл Таалатбек Масадыков аркалайт. Буга чейин Жапаров коопсуздукту жана мамлекеттер ортосундагы достукту бекемдөөгө кошкон салымы үчүн Имангали Тасмагамбетовду «Достук» ордени менен сыйлаган.