Бир сутка ичинде өлкө боюнча 17 медициналык кызматкер коронавирус жуктуруп алганын Коомдук саламаттык сактоо башкармалыгынын башчысы Айнура Акматова брифинг учурунда билдирди.

“Ош шаарында 5, Жалал-Абад облусунда  2, Ош облусунда  4, Баткен облусунда 3, Ысык-Көл облусунда 3 медиктен илдет табылды. Ал эми бир суткада 7 медициналык кызматкер ооруканалардан айыгып чыкты”, – деди Акматова. 

Мындан сырткары үй карантининен 45 медициналык кызматкер айыгып чыгарылган. 

Жалпысынан республика боюнча COVID-19 диагнозу менен медициналык кызматкерлер арасында – 2928 учур катталды, алардын ичинен 2025 медкызматкер сакайган.