Бишкек-Балыкчы поездине дагы бир VIP вагон кошулду. Бул тууралуу «Кыргыз темир жолу» ишканасы билдирди.
Ал мурунку вагонго окшоштурулуп жасалып, кошумча тамак-аш жана суусундуктар сактала турган муздаткыч функциясы менен заманбап бар-стол орнотулган. Андан тышкары. +40ка чейинки температурада дагы ыңгайлуулукту камсыз кылган панорамалык терезелер жана кубаттуу кондиционерлер жабдылган.
Жүргүнчүлөрдүн коопсуздугу үчүн вагон видеобайкоо тутуму, ал эми жагымдуу саякат үчүн стереотутум жана телевизорлор менен жабдылган.
Бишкектен Балыкчы шаарына поезд 14-июндан жума, ишемби жана жекшемби күндөрү жүрө баштайт, ал эми 15-июлдан 31-августка чейин поезд күн сайын каттай баштайт.
Билеттерди онлайн сатып алууга болот.
