Бишкек ЖЭБинин аймагында 2-февралда өрт чыкты. Бул тууралуу Reporter.kg’ге Өзгөчө кырдаалдар министрлигинен кабарлашты.
Өзгөчө кырдаалдар министрлигине ЖЭБдин аймагында конвейер лента күйүп жатат деген маалымат келип түшкөн. Окуя болгон жерге саат 12: 55те үч өрт өчүрүү бөлүм жөнөтүлдү. Саат 13: 25те өрт локалдаштырылган. Азыр өрттү толугу менен жоюу иштери жүрүп жатат.
«Электр станциялары» ААК 2-февралда Бишкек ЖЭБинде күйүүчү майды сактоочу кампага түшүрүү үчүн жер астындагы конвейердеги электр монтаждоосунда кыска туташуу болгонун билдирди. Жеке курам жабыркаган жок. Учурда кабелдик линиялардын бүтүндүгү текшерилип жатат.
