Бишкек шаарына экологиялык өзгөчө кырдаалды киргизүү керек. Бул тууралуу Биринчи балдар хосписинин директору Ольга Труханова Facebook баракчасына жарыялады.
Ал «Бардык унааларга АИ 80 үлгүсүндөгү күйүүчү май куюлат, адамдар чүпүрөктөрдү жагып жатышат, ал эми акчасы барлар шаарларды ойлонбой куруп жатышат. ЖЭБ быкшып жатат. Биз ковидден өлбөйбүз, бирок эч нерсе кылбасак, абабыздан өлөбүз», — деп жазган Трухонова.
ДССУнун маалыматы боюнча, абанын булганышы дүйнө жүзү боюнча өлүмдүн жана ооруга чалдыгуунун негизги себептеринин бири болуп саналат.
«Абанын ден-соолукка тийгизген кесепеттери ооруканаларга кайрылуунун көбөйүшүнөн жана тез жардам бөлүмдөрүнө жаткыруудан баштап, мезгилсиз өлүмгө алып келүү коркунучуна чейин алып барат. Дүйнө жүзү боюнча абанын булганышынан улам көз жумгандардын болжолдуу саны 4,2 миллионду түзөт. Алар жүрөк оорулары, инсульт, өпкөнүн өнөкөт обструктивдүү оорулары, өпкө рагы жана балдардын респиратордук инфекцияга кабылгандыгы болуп эсептелинет», — деди ал.
Дүйнө жүзү боюнча, атмосфералык абанын булганышы төмөнкүлөрдү түзөт:
Өпкөнүн рак оорусунан улам каза болгон учурлар — 29%;
Төмөнкү дем алуу жолдорунун курч инфекцияларынан улам каза болгондор — 17%;
Инсульттан каза болгондор — 24%;
Жүрөктүн ишемиялык оорусунан улам ооруган жана каза болгон учурлар — 25%;
Өпкөнүн өнөкөт обструктивдүү оорусунан улам каза болгон жана каза болгон учурлар — 43%.
