Бишкек шаарындагы №1 гимназия-интернатынын аймагындагы өз билемдик менен басып алынган муниципалдык эки кабаттуу имарат бошотулду. Бул тууралуу мэриядан билдиришти.
Маалыматка караганда, күнөскана гимназиянын мурдагы жетекчилиги тарабынан турак жай катары пайдаланылган. Мэрия имаратты бошотуу жөнүндө жазуу жүзүндөгү талаптарды бир нече жолу берген, буга жогоруда көрсөтүлгөн адамдар көңүл бурбай койгон.
Буга чейин 2022-жылдын сентябрь айында Бишкек шаарынын мэриясы жогоруда аталган имаратка жер тилкеси менен кошо бардык керектүү документтерди тариздеген.
Жеринде Муниципалдык мүлктү башкаруу департаментинин жана Жер пайдаланууну көзөмөлдөө башкармалыгынын кызматкерлери иштешти. Ошондой эле аталган жайдын айланасына тургузулган тосмолор да демонтаждалды.
Буга чейин Бишкектеги №1 мектеп-интернатынын окуучулары жана мугалимдери митингге чыгышкан.
Мэрия аталган мектеп-интернаттын мурдагы директору Н.Матканова бир нече жолу одоно мыйзам бузууларга жол бергендиги үчүн Эмгек кодексинин 83-беренесинин негизинде кызматынан бошотулганын белгиледи. Ал документтерди, ошондой эле иш бөлмөсүн бербей, директордун милдетин аткаруучу 33 жаштагы Жыргалбек Курманбековдун ишине кийлигишкен.
Биздин Телеграм каналга катталыңыз
