Бишкекте Казакстанда адам өлтүрүүгө шектелип, издөөгө алынган кошуна өлкөнүн жараны кармалды. Бул тууралуу УКМК билдирди.
Маалыматта 28 жаштагы Алмата шаарынын тургуну казак-кыргыз чек арасыз мыйзамсыз кесип өткөнү айтылат. Ал “Манас” аэропорту аркылуу үчүнчү мамлекетке учуп кетүүнү көздөгөн.
УКМК тарабынан ага каршы Кылмыш-жаза кодексинин 378-беренеси (“Мамлекеттик чек араны мыйзамсыз кесип өтүү”) боюнча кылмыш иши козголуп, соттун чечими менен 2 айга камакка алынды.
Биздин Телеграм каналга катталыңыз
