Бишкекте гараж ээлери менен мэриянын кызматкерлеринин ортосунда чыр чыкты. Бул тууралуу мэриядан билдиришти.
Маалым болгондой, бүгүн, 22-ноябрда Жерди пайдаланууну контролдоо башкармалыгынын кызматкерлери Псковская көчөсү, 71 дарегинде уруксатсыз тургузулган гараждарды бузуу иштерин баштаган. Бирок гараж ээлери мэриянын кызматкерлерине тоскоолдук жараткан. Окуя учурунда гараж ээлери тарабынан бензин чачылып, «Тазалык» муниципалдык ишканасынын кызматтык унаасы жана атайын техникасы да жабыркаган.
Натыйжада жерине милиция кызматкерлери чакырылган.
