Бишкектин Карагач токоюндагы Комсомол көлү оңдоп-түзөөдөн кийин ачылды. Бул тууралуу шаар мэриясы билдирди.

Маалыматка ылайык, көл күндүзү саат 10:00дөн 19:00гө чейин ачык болот.

Куткаруучулар эс алуучулардын коопсуздугу үчүн нөөмөттө турушат.

Мэрия тургундарды Комсомол көлүндө сүзүүнүн бир нече эрежелерин сактоого чакырды:

• Балдар чоңдордун жана ата-энелердин көзөмөлүндө гана сууга түшүшү керек;
• Белгиленген жерден ары сүзүүгө болбойт;
• Мас абалында сууга түшүүгө болбойт;
• Баланы суунун жанында кароосуз калтырбаңыз;
• Кайыктардын жанында сүзүүгө жана моторлуу кайыкты кууп чыгууга тыюу салынат;
• Сак болуңуз, булуттуу же шамалдуу убакта сууга түшпөңүз.