УКМК тарабынан интернет аркылуу сойкулукту жана бузукулукту уюштуруу жана ага көмөктөшүү фактысы боюнча Ч.у.Э., Н.А.К., Р.Б.Р. жана А.к.Ш. аттуу жарандар кармалды. Алар Бишкек шаарында вебкам-студияларды уюштуруп, алардын иштөөсүн камсыз кылган.

Тергөө учурунда уюшкан кылмыштуу топтун мүчөлөрү өз иштерин жашыруу максатында шаардагы ар кайсы батирлерди ижарага алышканы аныкталган. Батирлерден веб-камералар, жарык берүүчү жана компьютердик жабдуулар, эротикалык кийимдер жана атрибуттар, ошондой эле сексуалдык мүнөздөгү онлайн көрсөтүүлөр үчүн колдонулган оюнчуктар табылып алынган.

Вебкам-моделдер социалдык тармактар аркылуу чогултулган. Аларга карата административдик чаралар көрүлдү, ал эми уюштуруучулар кылмыш жоопкерчилигине тартылды.

Учурда бул кылмышка тиешеси бар бардык адамдарды аныктоо боюнча тергөө-ыкчам иш-чаралары улантылууда.