Бүгүн, 26-сентябрда, эртең менен Бишкек шаарында кош бойлуу аял милиция кызматкеринин унаасында көз жарды. Бул тууралуу Бишкек шаардык милициянын кайгуул кызмат башкармалыгы билдирди.

Маалыматка ылайык, төрөт үйүнө бара жатканда жолдо аялдын толгоосу башталып, ал кайгуул кызматынын унаасында көз жарган. Кайгуул кызматкерлери эне менен жаңы төрөлгөн ымыркайды ыкчам түрдө төрөт үйүнө жеткиришкен. Ал жерде аларга керектүү медеициналык жардам көрсөтүлгөн.

Кайгуул кызматы учурда эне менен баланын абалы канааттандырарлык экенин билдирди.