Бишкекте жөө жүргүнчүнү сүзүп, качып кеткен айдоочу кармалды. Бул тууралуу Милициянын кайгуул кызматынан билдиришти.
Маалыматка ылайык, 22-ноябрда саат 22:00дөр чамасында автоунаа Бишкек шаарынын Термечиков көчөсүндө жөө жүргүнчүнү сүзүп кеткен. Натыйжада 55 жаштардагы адам окуя болгон жерде каза болгон.
Ыкчам-издөө иш аракеттеринин натыйжасында жөө жүргүнчүнү сүзгөн «Дэу-Нексия» үлгүсүндөгү автоунаа экендиги такталган. Ал эми автоунаанын ээси 31 жаштагы О.Э. аттуу жаран экени аныкталып, кармалган.
Шектүү Бишкек ШИИББинин тергөө кызматына өткөрүлүп берилип, сотко чейинки өндүрүш башталган.
