Бишкекте адам өлтүрүүгө шектүү кармалды. Бул тууралуу Ленин райондук милициясынан билдиришти.

6-июнда “102” кызматына Ак-Ордо конушундагы үйлөрдүн биринен киши колдуу болгон адамдын сөөгү табылганы тууралуу маалымат түшкөн.

Жерине ыкчам-тергөө тобу барып, каза болгон адам 44 жаштагы Ж.Б. аттуу жаран экендиги аныкталган.

Аталган факт боюнча “адам өлтүрүү” беренеси менен кылмыш иши козголгон.

Иликтөө иштеринин жүрүшүндө шектүү катары 37 жаштагы Н.А. аттуу жаран кармалган. Шектүү убактылуу кармоочу жайга камакка алынды.

Милициянын маалымат боюнча, окуя болгон күнү шектүү менен маркум ичимдик ичип отуруп кайыма айтыша кетип, бири экинчисин сабап салган. Натыйжада алган жаракаттарынан улам 44 жаштагы жаран көз жумган.

Учурда иликтөө иштери уланууда.