Бүгүн, 16-мартта, Борбордук шайлоо комиссиясы Жогорку Кеңештин депутаты Гүлсүнкан Жунушалиеванын ыйгарым укуктарын мөөнөтүнөн мурда токтотту.

Комиссиянын маалыматында, Жунушалиева өзүнүн жеке арызынын негизинде мандатын тапшырган. Ал мандатын эмне себептен тапшырганы айтылган жок.

Депутат айым 2025-жылдын декабрында № 29 көп мандаттуу шайлоо округунан Жогорку Кеңешке шайланып келген. Ал парламентке келгенден кийин ЖКнын Эмгек, саламаттыкты сактоо, аялдар иштери жана социалдык маселелери боюнча комитетинин төрагасы кызмат ордуна дайындалган. Бирок аны 12-февралда өткөрүп берген.