“Sydyman” деген ат менен таанымал блогер Элмир Сыдыманов эки айга камакка алынды. Бул тууралуу Бишкектин Октябрь райондук милициясынын басма сөз кызматы билдирди.

Чечимди Октябрь райондук соту чыгарып, шектүү №1 тергөө абагына (СИЗО-1) киргизилген.

Блогер буга чейин өзүнүн  “Инстаграм” баракчасынан  түз эфирге чыгып,  Кыргызстандын айрым облустарында колдонулган сөздөрдү сындаган. Анын сөзү интернетте кызуу талкууга алынган.

Милиция аны 17-февралда Жазык кодексинин 313-беренесинин негизинде (расалык, этностук, улуттук, диний же региондор ортосундагы кастыкты (араздашууну) козутуу) кармаган.