Кыргызстандын бокс боюнча өспүрүмдөр курама командасынын мүчөлөрү Азия чемпионатында 2 күмүш жана 5 коло медалга ээ болушту. Бул тууралуу Дене тарбия жана спорт агенттиги билдирди.
Чемпионат Иорданиянын Амман шаарында өттү.
Күмүш медалдын ээлери:
- 57 кг Зубаир Акрамов;
- 66 кг Азирерхан Майрамбеков.
Коло медалдын ээлери:
- 54 кг Ризван Исаева;
- 70 кг Улан Майрамбеков;
- 33 кг Адеми Ыбышева;
- 50 кг Акмарал Амантаева;
- 57 кг Ширин Турсалиева;
Курама команда башкы машыктыруучу Рустам Есенкулов жана улук машыктыруучу Айбек Байсаяковдун жетекчилиги алдында мелдешке катышкан.
