Борбордук шайлоо комиссиясы бүгүн, 28-октябрда Шайлообек Атазовду №6 көп мандаттуу шайлоо округу боюнча Жогорку Кеңештин депутаттыгына талапкер катары каттоодон баш тартты.

БШКнын маалыматына ылайык, анын негизги себептери төмөндөгүдөй:

• Ички иштер министрлигинин маалыматына ылайык, Атазов 2024-жылдан тартып уюшкан кылмыштуу топко тиешеси бар адам катары алдын алуучу каттоодо турган;
• Улуттук коопсуздук мамлекеттик комитетинин маалыматына ылайык, ал 2024-жылдын 13-мартынан 29-ноябрына чейин өлкө чек арасынан тышкары жүргөн.

Кыргыз Республикасынын Конституциялык мыйзамдарына ылайык, бул шарттар талапкерликке мыйзамдуу тоскоолдук болуп саналат.

“БШКнын жумушчу тобунун корутундусунун негизинде талапкерди каттоодон баш тартуу чечими чыгарылган”,-деп жазылат БШКнын билдирүүсүндө.