Бишкекте каракчылыкка шектелип 21 жаштагы жаран кармалды. Бул тууралуу Биринчи май райондук милициясынан билдиришти.

Маалыматка караганда, 21-октябрда райондук милициясынын бөлүмүнө М.А. аттуу жаран кайрылып, ошол күнү болжол менен түнкү саат 02:30да Бобулов көчөсүндө, белгисиз жарандар бычак менен коркутуп “Айфон Х” телефонун тартып алганын билдирген.

Аталган факт каттоого алынып, Кылмыш кодексинин 207-беренеси (Каракчылык) боюнча кылмыш иши козголгон.

Милиция бул ишке шектүү катары 21 жаштагы Д.Б. аттуу жаранды кармаган. Ал Бишкек шаардык милициясынын убактылуу кармоочу жайына камакка алынган.

Учурда иликтөө иштери уланууда.

Биздин Телеграм каналга катталыңыз