Кечээ, 16-сентябрда кыргыз-тажик чек арасындагы кагылыштан (ыкчам маалыматтар боюнча) 24 кыргызстандык каза болду. Бул тууралуу Саламаттык сактоо министрлигинен билдиришти.
Маалым болгондой каза болгондордун сөөктөрү Баткендеги ооруканаларга жеткирилген: Баткен облустук бириккен ооруканага – 12, Лейтектеги жалпы дарыгерлик практика борборуна – 10 жана Кулундудагу жалпы дарыгерлик практика борборуна – 2.
Жабыркагандардын саны 87ни түзөт. Алардын ичинен бешөө амбулатордук дарыланууга жөнөтүлгөн.
Каза болгондордун үй-бүлөсүнө жана жакындарына көңүл айтабыз.
Биздин Телеграм каналга катталыңыз
