Кыргызстанда чет өлкөлөргө ишке орноштуруу 117 жеке агенттик бар. Бул тууралуу Эмгек, социалдык коргоо жана миграция министрлигинин басма сөз кызматы билдирди.
Аталган бөлүмдүн башчысы Кудайберген Базарбаев жарандарды чет өлкөдө ишке орноштуруу боюнча жеке агенттиктер менен жолугушкан.
«Рынокто жеке агенттиктердин иштөө динамикасы жыл сайын өсүүдө. Эгерде 2014-жылы жумуш менен камсыз кылуу рыногунда 11 гана компания иш алып барса, бүгүнкү күндө өлкөдө 117 ишкана иштеп, алар дүйнөнүн 20 өлкөсүндө жарандарды иш менен камсыз кылуу боюнча кызмат көрсөтүүдө», — деди Кудайберген Базарбаев.
Министр кошумчалагандай, 2021-жылы жеке агенттиктер аркылуу 3254 адам жумушка орношкон.
