Ысык-Көл облусунун Чолпон-Ата шаарынын мэри болуп Рустам Кадыркулов дайындалды. Бул тууралуу аталган шаардын мэриясы кабарлады.

Маалыматка ылайык, жаңы мэр бүгүн, 5-августта расмий түрдө ишине киришти. Ал алгачкы иш күнүн шаардык мэриянын жамааты менен таанышуу менен баштап, учурда шаарда аткарылып жаткан иштер жана келечектеги пландар тууралуу кеңири маалымат алган.

Жолугушууда Рустам Кадыркулов Чолпон-Ата Кыргызстандагы туристтик борборлордун бири экенин баса белгилеп, анын инфратүзүмүн жакшыртуу, шаарды көрктөндүрүү жана жашоочулар үчүн ыңгайлуу шарттарды түзүү башкы максаттардын бири экенин айткан.