Чоң Чүй каналынан сөөгү табылган 19 жаштагы Асел Жанарбек кызынын өлүмүнө байланыштуу кылмыш иши дагы эле тергелип бүтө элек. Бул тууралуу Reporter.kg’ге Чүй облустук ички иштер башкармалыгынан билдирди.

Алардын айтымында, экспертизалардын жыйынтыгы чыга электиктен тергөө иши кармалууда.

Эскерте кетсек, Кант шаарынын тургуну Асел Жанарбек кызы 15-февралда жоголуп, анын сөөгү 18-мартта Чоң Чүй каналынан табылган. Ал эки ай мурда турмушка чыккан.

Милиция келин дайынсыз болгон кезде «Адам уурдоо» фактысы менен иш козгоп, сөөгү табылгандан кийин дагы беренени өзгөрткөн эмес.

https://reporter.kg/asel-zhanarbek-kyzynyn-soogy-tabyldy-chyj-kanalynan-tabyldy/