Бүгүн, 9-майда президенттин Чүй облусундагы өкүлү Канат Жумагазиев Улуу Ата Мекендик согуштун ардагерлерин, Ленинград блокадасынын катышуучуларын жана тыл эмгекчилерин Улуу Жеңиштин 80 жылдыгы менен куттуктады. Бул тууралуу ыйгарым укуктуу өкүлдүн басма сөз кызматы билдирди.
Ыйгарым укуктуу өкүл ардагерлерибиздин кайраттуулугу, берилгендиги жана теңдешсиз эрдигинин аркасында биз бейпил асман астында жашап жатканыбызды белгиледи. Согуштун жана блокаданын тирүү катышуучуларына атайын ыраазычылык сөздөрү айтылды, анын ичинде:
• Межуев Семён Николаевич (Ленинское айылы, Аламудун району),
• Жаманкулова Кошкоро (Кара-Балта),
• Шалнов Антон Семенович (Кара-Балта шаары),
• Николай Николаевич Соколов (Кара-Балта),
• Тамара Павловна Кустовая — Ленинград блокадасынын катышуучусу (Шопоков шаары).
Ошондой эле иш-чаранын жүрүшүндө көрүнүктүү инсан – Күлсара Сулайманова, Социалисттик Эмгектин Баатыры, Баатыр Эненин аты аталды. Ал Панфилов районунан болгон, жаштайынан жер иштетип, айыл чарбадагы жетишкендиктери менен бүткүл облустун даңкын чыгарган.
Аларга президенттин куттуктоолору жана эстелик белектер тапшырылды. Ошондой эле ардагерлерди социалдык жактан колдоо жана камкордук көрүү маселелерине мамлекет тарабынан мындан ары да көңүл бурулары баса белгиленди.
