Аламүдүн районунун Луговое айылында такси айдоочусуна бычак сайып, тоноп кетишти. Бул тууралуу Чүй облустук ички иштер башкармалыгы билдирди.

Маалыматка караганда, 6-декабрь күнү эки жаран 52 жаштагы таксиге түшүп, 500 метр өткөндөн кийин кол салышкан.

Айдоочуга бир нече жолу бычак сайып, акчасын жана телефонун алып кетишкен. Жабырлануучу учурда Чүй облустук ооруканада дарыланып жатат.

Бүгүн кылмышка шектүүлөр кармалып, убактылуу кармоочу жайга киргизилди.

Биздин Телеграм каналга катталыңыз