Экс-депутат Дамирбек Асылбек уулу парламенттик шайлоого катышуудан баш тартуу тууралуу арызын жазды. Бул тууралуу Борбордук шайлоо комиссиясынан кабарлашты.
Дамирбек Асылбек уулу талапкерлигин №35 Ак-Суу шайлоо округунан көрсөткөн болчу.
Ал 16-октябрда БШКга документтерин тапшырган. БШК Асылбек уулунун сотуулугу бар-жогун аныктоого Башкы прокуратура, Жогорку сот жана Жаза аткаруу мамлекеттик кызматына кайрылган.
Бирок ыйгарым укуктуу органдардан расмий жооп келгенге чейин 2021-жыдын 25-октябрында Асылбек уулу шайлоого катышуудан баш тарткандыгы тууралуу БШКга арыз жазган.
