Дүйнөдөгү эң чоң айсберг A23a кайрадан бөлүнүп, аянтынын дээрлик 20% жоготту. Бул тууралуу Арктика жана Антарктика илимий-изилдөө институту кабарлады.

Акыркы жумаларда айсбергден жалпы 800 чарчы километрден ашкан төрт бөлүк ажырап чыккан. Алар өз алдынча айсбергге айланып, чоң кемелерге коркунуч жаратпайт.

Учурда A23aнын аянты 1,4 миң чарчы чакырымды түзүп, ал дагы эле дүйнөдөгү эң чоң айсбергдердин бири бойдон калууда. Ал Түштүк Георгия аралынан 130 км түндүктө жайгашып, шамал менен агымдын таасири астында түндүк тарапка жылып жатат.

2023-жылдын жазында A23a күтүүсүздөн Антарктиканын жээгинен бөлүнүп, Скоша деңизин көздөй жылган. 2025-жылдын жайында ал буга чейин аянтынын 36% жоготкон.

Адистердин айтымында, мындай эриш дүйнөлүк океандын деңгээлине олуттуу таасир этпейт, анткени процесс жай жүрүп, суу кайра бөлүштүрүлүп турат.