Бүгүн, 3-сентябрда грек-рим балбаны Асан Жанышов Испанияда өтүп жаткан 20 жашка чейинки спортчулар арасындагы (U-20) дүйнө чемпионатынын алтыны үчүн күрөшөт.
Жанышов 87 кг салмакта күч сынашууда. Ал 2-сентябрда килемге чыгып, таймашты 1/8 финалдан баштаган.
Ал биринчи беттешинде грузиялык Ачико Болквадзени 11:3 эсебинде, андан кийин чейрек финалда швециялык Хамза Сертканлини 7:3 эсебинде уткан.
Ал эми жарым финалда румыниялык Патрик Горданды 8:0 менен жеңип, алтын үчүн күрөшө турган болгон.
Эми финалдык беттеш бүгүн, 3-сентябрда өтөт. Анда Жанышов азербайжандык Жожу Самадов менен күч сынашат.
