Кыргызстанда 31-августка карата 115 социалдык жана инфраструктуралык объект элге пайдаланууга берилет. Бул тууралуу Курулуш, архитектура, турак жай-коммуналдык чарба министрлиги маалымдады.

Маалыматка ылайык, Министрлер Кабинетинин тапшырмасы менен 100 объектти ишке киргизүү пландалган, бирок курулуш жана капиталдык оңдоо планы ашыгы менен аткарылган.

Ачылган объектилердин катарына:

• 63 мектеп,
• 19 бала бакча,
• 11 саламаттыкты сактоо мекемеси,
• 13 спорттук объект,
• 3 маданий объект,
• 6 башка социалдык курулуш кирет.

Бул максаттарга республикалык бюджеттен 10 миллиард сомдон ашык каражат жумшалды.

Министрликтин маалыматы боюнча, 2025-жылдын аягына чейин дагы 100дөн ашык социалдык жана инфраструктуралык объектти ишке берүү пландалууда.