Бир күн мурун Алматыда аяктаган Болат Турлыхановдун кубогуна арналган турнирде Кыргызстандын эркин күрөшчүлөрү төртүнчү командалык орунду ээледи. Бул тууралуу Бириккен күрөш дүйнөсүнүн сайтында маалымдалды.
Кыргызстандын спортчуларында эки алтын – Эрназар Акматалиев менен Бекболот Мырзанар уулу жана Саякбай Усуповдун бир күмүш медалы бар.
Биринчи орунду Казакстан, экинчини Индия, үчүнчүнү Иран ээледи.
Белгилей кетсек, грек-рим күрөшү боюнча балбандар бешинчи орунга ээ болушкан. Аларда бир алтын жана үч күмүш бар.
