«Элдик Медиа» басылмасынын операторуна айып пул салынышы мүмкүн. Бул тууралуу ИИМдин Тергөө кызматынын башчысы Султан Макилов Reporter.kg’ге билдирди.
Анын айтымында, Ош шаарындагы шайлоо тилкелеринин биринин төрагасы милицияга оператор мыйзамсыз съёмка жүргүзүп жатат деп кайрылган.
Натыйжада, ЖМК өкүлүн милиция кызматкерлери милиция бөлүмүнө алып келишип, сурактан кийин ал коё берилген.
«Материалдар жергиликтүү кеңештин комиссиясына өткөрүлүп берилет, операторго айып пул салынышы мүмкүн», — деди ал.
