Агартуу министрлиги билим берүү уюмдарында энергияны үнөмдөө чаралары киргизилгенин билдирди.

Маалыматка ылайык, мындай чечим Министрлер кабинети тарабынан 5-ноябрда электр энергиясынын тартыштыгын азайтуу максатында кабыл алынган.

“Бардык сабактар бүткөндөн кийин 60 мүнөттөн кечиктирбестен, тазалоо иштери бүткөндөн кийин электр менен камсыздоо өчүрүлүүгө тийиш. Имараттын иштешин жана сакталышын камсыз кылуучу инженердик системалар жана жабдуулар бул чектөөгө кирбейт”,- деп айтылат маалыматта.

Министрлик ошондой эле бул талаптар окуучулардын жашоо-тиричилигин камсыз кылуучу объектилерге жана жатаканаларга колдонулбай тургандыгын кошумчалады.