Министрлер кабинетинин төрагасы Адылбек Касымалиев эртең, 13-ноябрда, Казакстандын борбору Астанага жумуш сапары менен барат. Бул тууралуу өкмөттүн басма сөз кызматы билдирди.

Жумуш сапарынын алкагында Касымалиев Кыргызстан менен Казакстандын ортосундагы кыргыз-казак Өкмөттөр аралык кеңешинин 13-жыйынына катышат. 

Аталган жыйын Кыргызстандын өкмөт башчысы Адылбек Касымалиевдин жана Казакстандын премьер-министри Олжас Бектеновдун жетекчилиги алдында тар жана кеңейтилген курамда өткөрүлөт. 

Отурумдарда эки өлкө ортосундагы соода-экономикалык жана кызматташуунун актуалдуу маселелери каралып, чечимдер кабыл алынат.