Эми Tunduk колдонмосунда кыймылсыз мүлккө техпаспорт алуу үчүн арыз берүүгө мүмкүн. Бул тууралуу Санариптик өнүктүрүү жана инновациялык технологиялар министрлиги билдирди.

Маалыматка ылайык, бул үчүн Tunduk тиркемесиндеги “Менин кыймылсыз мүлкүм” бөлүмүндө тиешелүү объектти тандап, арыз берүү керек.

Арыз берүүдө 500 сом өлчөмүндө алдын ала төлөм жүргүзүү керек. Аткаруу мөөнөтү 6 жумуш күнүнө чейин болот. Арыз жактырылгандан кийин техпаспортту алуу жана кошумча төлөө үчүн филиалга баруу керек. Ал эми баш тартылган учурда алдын ала төлөмдү кайтарып алууга болот.

Кызматтын артыкчылыктары:

• Мамлекеттик органдарга баруу талап кылынбайт;
• Кызмат 24/7 жеткиликтүү;
• Процесс жөнөкөй жана ачык-айкын.