20-июлда Чолпон-Ата шаарында Кыргызстандын тышкы иштер министри Жээнбек Кулубаевдин төрагалыгы алдында Борбор Азия мамлекеттеринин тышкы иштер министрлеринин жыйыны өтөт. Бул тууралуу ТИМдин маалымат бөлүмү билдирди.
Иш-чарага Казакстандын тышкы иштер министрлери Мухтар Тлеуберди, Тажикстандын тышкы иштер министрлери Сирожиддин Мухриддин, Түркмөнстандын тышкы иштер министрлери Рашид Мередов, Өзбекстандын тышкы иштер министри Владимир Норов жана башкалардын катышуусу пландалууда.
Жыйында тышкы иштер органдарынын жетекчилери 21-июлга белгиленген Чолпон-Ата шаарында өтүүчү Борбордук Азия мамлекеттеринин башчыларынын 4-консультативдик жолугушуусуна даярдыктын жүрүшүн талкуулашат, ошондой эле анын күн тартибин жана жыйынтыктоочу документтердин долбоорлорун карашат.
