«Не сахар» долбоорунун алып баруучусу Эрулан Кокулов парламенттик шайлоого катышуу тууралуу ойлонуп жатат. Бул тууралуу ал өзүнүн социалдык тармактагы баракчасында билдирди.
Кокулов өлкөнүн мекемелеринде тазалык нормаларын сактоо көйгөйү боюнча берүүлөрдү коомчулукка алып чыгат.
«Азыр көбү ар кандай нерселерди жазышат, бирок мен чынын айтсам, Жогорку Кеңешке шайлоого баргым келген жок. Депутат болгондон башка дагы жакшы бош орундар бар. Билесизби? Кыргызстанда баарын «крыша» чечет. Мен блогер катары ишимди баштаганда дайыма чыр -чатактар болуп турган. Журналисттин күбөлүгүн алгандан кийин бир аз жеңилдеп калды. Эгерде мен депутаттын күбөлүгүн алсам, менин жумушум дагы жеңилдейт. Мен депутат болуп, сиз эмне жейсиз деген маселени көтөрүүгө даярмын», — деди ал.
Ал ар бир жарандын пикири маанилүү экенин айтып, өз оюңарды айткыла деп сөзүн жыйынтыктады.
Посмотреть эту публикацию в Instagram
