«Фридом банк Казахстан» (Freedom Bank Kazakhstan) эл аралык стратегияны актуалдаштыруунун алкагында Кыргызстанда туунду банк түзүү боюнча пландарын кайра карап чыкканын билдирди. Буга чейин Freedom Bank KG аталышындагы жабык акционердик коом формасында банк түзүү долбоору каралып жаткан.

Банктын маалыматына ылайык, учурда компания өнүгүүнүн башка чет өлкөлүк багыттарын талдоого басым жасоодо. Банктын топ-менеджменти эл аралык рыноктогу жаңы мүмкүнчүлүктөргө баалоо жүргүзүүдө, ошол эле учурда Кыргызстан мурдагыдай эле узак мөөнөттүү аймактык өнүгүү үчүн келечектүү аянтча катары каралууда.