Футбол боюнча Кыргызстандын 23 жашка чейинки олимпиадалык курама командасы “Үч улуттун кубогу” эл аралык турниринде Бангладешке каршы беттеш өткөрөт.
Оюн Непалдын Катманду шаарындагы “Дасаратх Рангасала” стадионунда Бишкек убактысы боюнча саат 17:45те башталат.
Белгилей кетсек, Кыргызстандын олимпиалык курама командасына өлкө чемпиондугунда ойногон 22 футболчу чакырылды. Турнир 30-мартта жыйынтыкталат.
