Германиялык “Бруно Бадер” компаниясы Кыргызстандын тигүүчүлөрү менен кызматташууга даяр. Бул тууралуу элчи Өмүрбек Текебаев билдирди.
Анын айтымында, Германиянын ири кийим сатуучу ишканасы товарларын Түркия менен Грециядан тиктирип келет.
“Аларга биз өзүбүздүн тигүү тармагы боюнча маалымат бердик. Өтө мактадык. Кыргыз жеңил өнөр жай тармагынын өкүлдөрүн Германияга чакырып жатат. Эгер талаптарга жооп берсе, Европага жеткирүү жолу чечилсе, буйрутма берүүгө даяр”, — дейт Өмүрбек Текебаев.
“Бруно Бадер” – 94 жыл мурун түзүлгөн компания. Алар 50 миңден ашык товарлардын түрүн интернет жана почта аркылуу сатат.
Биздин Телеграм каналга катталыңыз
