Белгилүү «Город 312» тобунун солисткасы Ая (Светлана Назаренко) оор инсульттан кийин биринчи жолу сахнага чыгып, «Золотой граммофон» музыкалык сыйлыгынын юбилейлик салтанатында өзүнүн белгилүү «Останусь» аттуу ырын аткарды.

Посмотреть эту публикацию в Instagram

Публикация от Reporter.kg (@reporter_kg)

Топтун мүчөлөрүнүн айтымында, бул окуя күйөрмандар үчүн гана эмес, бүтүндөй жамаат үчүн да өзгөчө мааниге ээ болду.

«Бүгүн оор инсульттан кийин биздин Ая — Света биринчи жолу сахнага чыгууда. Ал бул күнгө өзгөчө даярданды. Эки жыл жети ай сахнадан алыста болду. Азырынча гастролдорго чыга албайт, бирок эң негизгиси — бүгүн ал биз менен», — дешти топтун катышуучулары.

Топтун өкүлдөрү билдиргендей, алар азыр да ишин улантып, Светлана Назаренконун дарылануусу менен реабилитациясын каржылоого жардам берип жатышат.

«Света ар дайым биздин ишибизге катышат — кээде кадр сыртында. Бирок бүгүн ал кайрадан сахнага чыкты, бул анын чоң жетишкендиги. Реабилитациянын айрым бөлүктөрү акысыз өтөт, бирок кээ бир дарылоо иштерине ири каражат талап кылынат. Ошондуктан биз ишибизди улантып, Светаны колдоону улантабыз. Азыр ага эң оор учур», — деп бөлүштү топтун мүчөлөрү.