Кыргызстандын курамасынын оюнчусу Гүлжигит Алыкулов Москванын «Торпедо» футбол клубу менен келишим түздү. Бул тууралуу Кыргыз футбол бирикмесинен билдиришти.
«Торпедо» клубу Россиянын биринчи лигасында ойнойт.
Өткөн сезондо Гүлжигит Алыкулов Беларустун «Неман» клубунда ойногон. Анда ал 30 оюн өткөрүп, 8 гол киргизген. Ал Беларустун чемпионатында күмүш байгеге ээ болуп, өлкөнүн Кубогуна татып, жылдын жыйынтыгы боюнча команданын мыкты оюнчусу деп табылган.
