Ош шаарынын мэри Жанарбек Акаев Кореянын «K-water» суу ресурстарын башкаруу корпорациясынын өкүлдөрү менен жолугушуп, шаарды таза суу менен камсыздоо тармагын интеллектуалдык башкаруу долбоорун ишке ашырууну талкуулашты.

Долбоордун жалпы наркы 10 млн долларды түзөт. Бул каражат кайтарымсыз грант түрүндө берилет.

Долбоордун алкагында төмөнкү иштер аткарылат:

• Озгур суу тазалоочу станциясын жаңылоо;
• Суу менен камсыздоо системасын санариптик жана интеллектуалдык башкаруу технологияларына өткөрүү;
• Мекеменин операциялык жана уюштуруучулук мүмкүнчүлүктөрүн күчөтүү;
• Инфраструктураны жаңылоо жана адистердин квалификациясын жогорулатуу.

Жолугушуунун жыйынтыгында тараптар долбоорду ишке ашыруу жана узак мөөнөттүү кызматташтыкты өнүктүрүү боюнча макулдашышты.