Бишкектин тургунунун унаасынан марихуана баңгизаты табылды. Бул тууралуу Ички иштер министрлигинен билдиришти.

Маалыматка караганда, ИИМдин баңгизат менен күрөшүү кызматынын кызматкерлери Бишкек – Торугарт жолунун 23-чакырымында “Тойота Авенсис” унаасын токтотуп, текшергенде, унаанын жүк салган бөлүгүнөн 5 литрлик желим бөтөлкөгө жана баштыкка салынган өзгөчө жыты бар зат табылып алынган.

Алынган заттын салмагы 3 кг 85 грамм болуп, ал кургатылган марихуана экени аныкталган.

Аталган факт боюнча Кылмыш-жаза кодексинин 282-беренеси боюнча кылмыш иши козголуп, унаанын 39 жаштагы айдоочусу (С.Р.) Бишкектин Октябрь райондук милициясынын Тергөө кызматына жеткирилген.

Биздин Телеграм каналга катталыңыз