Ысык-Көлдүн Чолпон-Ата шаарында акча опузалоого шектелген жаран кармалды. Бул тууралуу ИИМден билдиришти.
Белгилүү болгондой, милицияга Ысык-Көлдө жарандарды опузалап, мыйзамсыз акча чогултуп жүргөн адамдар тууралуу маалымат түшкөн. Маалыматты текшерүү учурунда кичи автобус менен эл ташып иштеген айдоочулардын бири милицияга арыз жазып, Т. аттуу бир адам Чолпон-Ата – Бишкек каттамы боюнча иштөө үчүн 3,5 миң доллар талап кылганын билдирген.
Бул факт боюнча «акча опузалоо» беренеси менен иш козголгон.
Ыкчам-тергөө иштери жүргүзүлүп, натыйжада 43 жаштагы Т.Ш. аттуу жаран 310 миң сом алып жатканда кармалган.
Соттун чечими менен шектүү тергөө аяктаганча 1 айга камакка алынган.
