Кыргызстандын Ички иштер министрлигинин тергөө кызматы мурдагы УКМК кызматкери Ильяс Амангазиевге байланыштуу текшерүү ишин баштады. Буга чейин Борбордук шайлоо комиссиясы аны депутаттыкка талапкер катары каттоодон баш тарткан.

Министрликтин маалыматына караганда, текшерүү интернетке Амангазиевдин уюшкан кылмыштуу топтун лидери катары белгилүү Камчы Көлбаев менен чогуу түшкөн сүрөтү тарагандан кийин башталган.

ИИМдин маалыматы боюнча, учурда Амангазиевдин уюшкан кылмыштуу топтун мүчөлөрү менен ыктымал байланыштары иликтенип жатат. Мурдагы УКМК кызматкери өзү да сүрөттөгү адам чын эле өзү экенин тастыктаган.

Муну менен Амангазиевдин ысымы жаңжалдарда алгачкы жолу аталып жаткан жок. 2017-жылы Казакстандын жараны Сакен Ахметовдун уурдалган жол тандабасына байланыштуу ишке анын катыштыгы бар болгон. Кийинчерээк бул унаа менен ошол учурдагы УКМК кызматкери Амангазиев Бишкекте жүргөнү аныкталган. Бул иш боюнча соттук териштирүү бир нече жылга созулган.

2018-жылы мурдагы УКМК кызматкери кайрадан арыздар келип түшкөн. Бишкектеги Панфилов көчөсүндөгү бир үйдүн тургундары ал кызматтык абалын пайдаланып, аларды коркуткан деп билдиришкен.