Кыргызстанда бардык жеке менчик автомектептер жабылып, айдоочуларды даярдоо толугу менен мамлекеттин көзөмөлүнө өтөт. Бул тууралуу президенттин Иш башкаруучусу Каныбек Туманбаев билдирди.

Маалыматка ылайык, айдоочулук билим берүү системасынын реформасынын алкагында:

• 16 жаштан жогорку мектеп окуучулары муниципалдык мектептерде окутулат;
• Чоңдор мамлекеттик автомектептерде билим алышат.

Кийинки жылдан тарта айдоочулук күбөлүк алуу процесс 14 айга узартылат, ал эми экзамендер жылына төрт жолу өткөрүлөт.

Бийлик өкүлдөрү буга чейин айдоочулук билим берүү сапатын көзөмөлдөөнү күчөтүү жана жол коопсуздугун жогорулатуу зарылдыгын бир нече ирет белгилеп келишкен.