.svg){kind=logo}
Бишкек мэри базарларда текшерүү иштерин жүргүздүБишкекте “Кыргызстан ЭКСПО 2025” эл аралык көргөзмө-жарманкеси өтөтИИМ: Райым Матраимовдун өкүл баласы мамлекеттик жерди мыйзамсыз менчиктештирүүгө байланыштуу кармалдыМедер Абакиров менен АКШнын элчиси Лесли Вигери кыргыз-америка кызматташтыгындагы маселелерди талкуулаштыРоссия менен Азербайжандын ортосундагы жаңжал — Борбор Азия үчүн тынчсыздана турган белги, — экспертАдылбек Касымалиев Жалал-Абадда ипотекалык көп кабаттуу үйлөрдүн курулушу менен таанышты
ИИМ: Райым Матраимовдун өкүл баласы мамлекеттик жерди мыйзамсыз менчиктештирүүгө байланыштуу кармалды
07.08.2025 | 14:51
ИИМдин билдирүүсүндө айтылгандай, Мунарбек Сайпидинов 2021-жылы Ош облусунун Кара-Суу районундагы Савай айыл өкмөтүн жетектеп турган учурда, мамлекеттин карамагындагы жер тилкелерин мыйзамсыз түрдө жеке жактарга өткөрүп бергенине шектелүүдө.
“Ал айыл өкмөтүнүн жана Жер ресурстары мамлекеттик агенттигинин Кара-Суу райондук бөлүмүнүн кызматкерлери менен алдын ала сүйлөшүп, элге керектүү жер тилкелерди, анын ичинде социалдык мекемелерге тиешелүү жерлерди мамлекеттин эсебинен чыгаруу боюнча кылмыштуу план түзгөн”, — деп айтылат министрликтин билдирүүсүндө.
Аталган факты боюнча “Коррупция” беренеси менен кылмыш иши козголгон. Сайпидинов 2025-жылдын 6-августунда Россияда кармалып, 7-августта Кыргызстанга экстрадицияланган.
ИИМдин маалыматы боюнча, ал башка кылмыш иштерге да шектелип жатат. Учурда тиешелүү тергөө иштери жүрүүдө.
Белгилей кетсек, социалдык тармактарда Сайпидиновдун Камчыбек Ташиевге кайрылган видеосу тараган. Анда ал өзүнүн кармалышын Райым Матраимовдун жеке кызыкчылыктарына байланыштырганын билдирген.
Рубрики: Жаңылыктар
