.svg){kind=logo}
Kyrgyzstan Expo жана Expo Eurasia көргөзмөлөрү 15–17-октябрда «Жаштык Аренада» өтөтКараколдо «Открыткаларга түшпөгөн Кыргызстан» аттуу фотовыставка өтөтКыргызстанда башка айып пулдары бар болсо да эвакуацияланган унааларды кайтарып берүү сунушталуудаБишкекте «БишХолдер» эл аралык стол үстүндөгү ролдук оюндар фестивалы өтөтУлуттук банк чет өлкөлөрдөгү банктардын уставдык капиталына жаңы талаптарды сунуштады — долбоорШакира Бишкекке концертинен бир күн мурун, 17-октябрда учуп келет
ИИМ: Райым Матраимовдун өкүл баласы мамлекеттик жерди мыйзамсыз менчиктештирүүгө байланыштуу кармалды
07.08.2025 | 14:51
ИИМдин билдирүүсүндө айтылгандай, Мунарбек Сайпидинов 2021-жылы Ош облусунун Кара-Суу районундагы Савай айыл өкмөтүн жетектеп турган учурда, мамлекеттин карамагындагы жер тилкелерин мыйзамсыз түрдө жеке жактарга өткөрүп бергенине шектелүүдө.
“Ал айыл өкмөтүнүн жана Жер ресурстары мамлекеттик агенттигинин Кара-Суу райондук бөлүмүнүн кызматкерлери менен алдын ала сүйлөшүп, элге керектүү жер тилкелерди, анын ичинде социалдык мекемелерге тиешелүү жерлерди мамлекеттин эсебинен чыгаруу боюнча кылмыштуу план түзгөн”, — деп айтылат министрликтин билдирүүсүндө.
Аталган факты боюнча “Коррупция” беренеси менен кылмыш иши козголгон. Сайпидинов 2025-жылдын 6-августунда Россияда кармалып, 7-августта Кыргызстанга экстрадицияланган.
ИИМдин маалыматы боюнча, ал башка кылмыш иштерге да шектелип жатат. Учурда тиешелүү тергөө иштери жүрүүдө.
Белгилей кетсек, социалдык тармактарда Сайпидиновдун Камчыбек Ташиевге кайрылган видеосу тараган. Анда ал өзүнүн кармалышын Райым Матраимовдун жеке кызыкчылыктарына байланыштырганын билдирген.
Рубрики: Жаңылыктар
