Үстүбүздөгү жылдын жылдын июнь айында Кыргызстанга кирген акча которуулардын жалпы суммасы 295,1 млн долларды түзгөн. Бул тууралуу Улуттук банк билдирди.

Маалыматка ылайык, негизинен которуулар КМШ өлкөлөрүнөн келип, жалпы 278,2 млн долларды түзгөн. Ал эми алыскы чет өлкөлөрдөн 16,9 млн доллар которулган.

Ал эми Кыргызстандан чыккан акча которуулардын көлөмү июнь айынын аягына карата 34,5 млн долларды түзгөн. Анын 32,4  млн доллары КМШ өлкөлөрүнө, 2,1 млн доллар алыскы чет өлкөлөргө жөнөтүлгөн.