УКМКнын маалыматына караганда, Биринчи май райондук күзөт бөлүмүнүн жетекчилери кызматкерлерди коммерциялык объектилерди кошумча күзөтүүгө чыгарып, алардын айлыктарынын бир бөлүгүн мыйзамсыз алып турушкан.

27-августта бөлүм башчынын орун басары, милициянын подполковниги А.Б.Г. 110 миң сом алып жаткан жеринен кармалган.

Андан тышкары бөлүмдүн башчысы, милициянын полковниги О.С.С.нин иш бөлмөсүнөн:

• 46 миң доллар,
• 5,9 млн сом,
• ок-дары табылган.

Ошондой эле улук инспектор, капитан Ч.Б.К. жана взвод командири, ага лейтенант М.Э.Т. да кармалып, баары УКМКнын тергөө абагына киргизилди.