УКМК төрагасы Камчыбек Ташиев Жалал-Абад шаарындагы Сатыбалды Давлетов атындагы №14 мектептин жаңы имаратынын ачылышына катышып, 11-класстын окуучуларына тарбиялык саат өттү.

Ал бүтүрүүчүлөрдү сапаттуу билим алууга чакырып, турмушка даярдык билим жана тарбия аркылуу аныкталарын белгиледи.

«Эмдиги жылы окууну бүткөндө негизги маселе турмушка болгон даярдыгыңар. Азыркы заманда билимсиз адам дароо айырмаланып калат. Ошондуктан жакшы окугула, тил үйрөнгүлө. Мамлекет силерден көп нерсе күтөт», – деди Ташиев.

Ошондой эле ал өзүнүн чоң үй-бүлөдө тарбияланып, дыйкан болгон атасы менен сыймыктанаарын айтып, бүтүрүүчүлөрдү мамлекеттин патриоту болууга чакырды.